muzeoj

Vi estas ĉi tie: Hejme > Muzeoj > Esperanto-Muzeo en Svitavy

Esperanto-Muzeo en Svitavy

Pavla: La ĉefaj celoj kaj aktivecoj de la muzeo estas arigi, katalogigi, prilabori, konservi kaj alirebligi al la vasta publiko kaj la tutmonda esperantistaro informojn kaj kolektmaterialojn pri Esperanto, pri ĝia historio kaj bezonateco kaj utiligeblecoj en la nuna mondo, okazigi portempajn temajn ekspoziciojn kaj kulturajn kaj klerigajn aranĝojn. La muzeo prilaboras kaj alirebligas Esperanto-bibliotekon kaj arkivon kaj vendas Esperanto-librojn.

Hejmpaĝo · Blogo en Ipernity

 

Karaj amikoj,

mi kore invitas vin al du sinsekvaj eventoj en Esperanto-muzeo Svitavy de la 9a ĝis la 11a junio 2017.

Vendrede okazas en Svitavy Muzea nokto, kiam oni povas senpage ĝui riĉan programon ne nur en la Muzeo de Esperanto, sed ankaŭ en la tre proksima Urba Muzeo kaj Galerio (kie estas i.a. daŭraj ekspozicioj pri la plej fama naskito de Svitavy kaj savinto de multaj judoj Oskar Schindler, kaj la dua pri historiaj lavmaŝinoj).

Sabate daŭros la programo en la Muzeo de Esperanto per inaŭguro de la nova ekspozicio La homo kontraŭ Babilono dediĉita al rondaj jubileoj de tri elstaruloj, L. L. Zamenhof, F. V. Lorenz kaj T. Čejka.

Por tiuj, kiuj restos ĝis dimanĉo oni organizas busan ekskurson al la proksima urbo registrita de Unesko en la listo de kulturaj heredaĵoj, al esperantistoj konataj de la fama romano Litomiŝla tombejo. En la tombejo de la romano nun ripozas ĝia aŭtoro Karolo Píč. Alia enlo por tiuj, kiuj jam Litomiŝlon konas, estas ekskurso per publikaj busoj al Poliĉka kun unike konservita mezepoka urba murego.

Eblas ankaŭ ĝui malmultekostan, tamen tre bonan tranokton en iama klostro.

Nome de la Esperanto-muzeo vin invitas Petro Chrdle,
membro de la Muzea grupo respondeca pri eksterlandaj rilatoj


Maklerejo
Simila anonceto mendeblas per retletero al info@maklerejo.de
« antaŭa  |   supren  |   sekva »

Powered by CMSimple | Template by CMSimple | Login