Esperanto en norda Germanio

Vi estas ĉi tie: Hejme > Esperanto en norda Germanio

Esperanto en norda Germanio


Pliajn kontribuojn por tiu kategorio bonvolu sendi al info@maklerejo.de.


Ne maltrafu la ekzemplan retejon eohose.esocom.de.

telegram.org: Esperanto Norda Erikejo

Kolekto de Frank Merla · fondita 2014-04-12 · Esperantistoj loĝantaj en la nordo de Germanio estas invitataj sendi al mi publikotajn informojn pri si. · Planu vian turneon tra norda Germanio per la apogo de maklerejo.de/turneoj · Arkivitaj kontaktadresoj de germanaj societoj (GEA)

Ĉu vi memoras la respondkuponojn? Antaŭ la interreto estis malfacile trovi esperantistojn. Kiel unuopulo oni devis fariĝi individua membro de UEA, kontakti delegiton por akiri liston de korespondemuloj. Se oni estis bonŝanca havi lokan esperantogrupon, tiam oni almenaŭ kun samlingvanoj povis paroli Esperanton. Tamen: tio ne vere estas internacieca pensinterŝanĝo.

Kiam la interreto ekestis, retmesaĝo kostis ĉe aol dek pfenigojn. Oni revis ankoraŭ pri Esperanto kiel dua lingvo de ĉiuj homoj kaj kreis hejmpaĝojn, en kiuj oni ofertis Esperanton kun malofta sukceso. Fariĝi kaj resti fidela esperantisto postulis firman kredon je la interna ideo de Esperanto. Hodiaŭ laŭ mia impreso oni lasas al hazardo, ĉu oni havas ion komunan kun eksterlandanoj.

Kvankam la uzo de la interreto nun estas tre facila kaj alloga, multaj esperantistoj ne uzas la eblecojn pro pluraj kaŭzoj. La uzantoj vagas de unu socia retejo al la alia, oni apenaŭ povas sekvi. Momente facebook estas plej uzata. Sed tie seriozaj esperantistecaj ofertoj perdiĝas en granda kakofonio. Multaj esperantistoj timas la interreton.

Indas provi, ĉu eblas taŭga ekvilibro inter allogado kaj delogado de la interreto. Sobraj vikipediaj priskriboj de lokoj, unuopaj personaj kontaktofertoj verŝajne ne logas fremdlandanojn al nia bela vizitinda norda Germanio. Sed pluraj personaj esperantistecaj priskriboj de nia hejmlando espereble ja logas eksterajn esperantistojn, ĉar videblos fasko de individueco.

Se mi sole ofertas min publike kiel ĉiĉerono en eta vilaĝo, tio ne tre verŝajne logas gastojn el fora lando. Bunta bildo de turismaj allogaĵoj garnitaj kun esperantistecaj proponoj certe pli allogas.

Das Beste am Norden... sind unsere Esperantisten. 

La frazo en la video: "La plej bona de la nordo... estas nia interna trankvilo."

Mark Fettes skribis, ke la maklerejo "estas interesa iniciato". Se vi deziras, ke ĝi pli kaj pli fariĝu rimedo por internacia esperantisteca kunfarado, estas konsilinde legi la startan paĝon.

Submenuo

« antaŭa  |   supren  |   sekva »

Powered by CMSimple | Template by CMSimple | Login